شاعر يحضر زواج حبيبته فمـــــاذا قال؟؟؟ هذه قصيده وجهها عاشق لعريس عشيقته ليله الزفاف .....!!! القصيدة رائعة , ومؤثرة بالفعل ؛ تجبرگ على قراءتها للنهاية .. وإن شاء الله تحوز على رضاگم .. أبد .. مـــــا جيت أبارگ ولگن جيـت باوصّيـگ على الله ناوي ٍ تدخل بهـا الليلـه .. مُعذّبْتـي ترى لولا الظروف اللي عطتْگ وحدّت محاگيگ قسم بالله مـــــا تدخـل عليهـا لـو علـى رْقبْتـي ولگنّ النصيب اقوى ولا ادري ويش اسوّي فيگ نــعـــــــم .. صارت معزّبتگ .. ولا صارت معزّبْتي گذا شاءت بنا الأقدار تحرمني لأجـل تعطيـگ گذا لازم عشان تفوز إنت .. أخسـر بتجربْتـي تراها غاليه جـداً .. وتگفـى .. والله يخليـگ تـدللها .. تدلعهـا .. تنسّيـهـا مصاحبْـتـي أنا من گثر مـــــا اغليها أحس اني بديـت اغليـگ ولا تسـأل بأيّـة حـق ولا ّ وش مناسبْـتـي لإنگ لو بتسألني بتسمع شـيء مـا يرضيـگ لـذا ياخـوي لا تسـأل ولا تسمـع لأجـ▫ـ▫ـوبْتـي أبيگ تحطها في داخل عيونـگ وبيـن ايديـگ وهي دلوعه اعتـادت علـى گثـرة مداعبْتـي فداعبها شوي شوي حتـى تشتهـي طاريـگ وشاغبها إليـن تقـول لـگ: بطّـل مشاغبْتـي واذا هي مـــــالها خلقگ..ولا تضحگ ولا تسلّيـگ تحمّلها وإسألهـا: يـا عمـري ليـه عصّبْتـي وبالگ اسمع انّگ يوم تضربها وهـي تشگيـگ مـــــا يحتاج اورّي لـگ بفـن الضـرب موهبْتـي صحيح انگ بتملگها ومعگ العقد بالتمليـگ وانا عارف حـدود الله ومـن حقـگ معاقبْتـي ولگن قلّها المجنـون وصّانـي وهـو يعنيـگ يقـول انّـه بينتظـرگ ولـو شيّـب وشيّبْتـي وانا مجنونها اللي مـــــا نساها وانت مـا يمديـگ تغطّي ذگرياتي في هواهـا.. وربْـع تجربْتـي أحس اني تمـــــاديت بگلامي.. والغضب حاديـگ ولو انّگ في مگاني مـا تفگّـر في محاسبْتي گفاگ اني ترگت الليله اشغالي عشـان اجيـگ دخلت القاعه برجلي ولا ادري ويش عاقبْتـي انا مـــــا جيت اخرّب عرسگ الليلـه ولا آذّيـگ أنا جيتگ عشان اخاطبـگ واسمـع مخاطبْتـي توصّى..وانتبه..واحرص عليهـا والله يهنّيـگ ترى گل الگلام اللي طلَع مـن ضيقـيَ وگبْتـي ولگن مـــــا قدرت انّي أقوله وانـت مـا يخفيـگ أخـاف انّـي إذا قلتـه تقـوم وتقطـع رقبتي
الرئيسية 
